सरकारका तर्फवाट एकजना पनि मन्त्री उपस्थित नभएपछि व्यवस्थापिका संसद्को बैठक प्रभावित भएको छ । व्यवस्थापिका संसद्को आजको बैठकमा सरकारका तर्फवाट एक जनापनि मन्त्री उपस्थित नभएका कारण वैठक आधा घण्टा स्थगित भएको थियो । संसद् वैठकको सुरुमै सभामुखसंग समय लिएर नेपाली कांग्रेसका प्रमुख सचेतक लक्ष्मणप्रसाद घिमिरेले सरकारका तर्फवाट मन्त्री उपस्थित नभई छलफल अगाडि नबढाउन सभामुखको ध्यानाकर्षण गराएपछि सभामुखले बैठक आधा घण्टाका लागि स्थगित गर्नु भएको हो । सभालाई रुलिङ् गर्दै सभामुख सुवास नेम्वाङले व्यवस्थापिका संसद्को कार्यसाचालन नियमावली अनुसार पनि संसद् वैठक सुरु गर्नका लागि सरकारका तर्फवाट मन्त्रीको उपस्थिती अनिवार्य रहेको र विनियोजन विधेयकको महत्वपूर्ण विषयमा छलफल हँुदा पनि विभागीय मन्त्रीको उपस्थित नहुनु दुखद भएको बताउनुभयो । सरकारका तर्फवाट भौतिक योजना तथा निर्माण मन्त्री हृदयेश त्रिपाठीे उपस्थित भएपछि बैठक सुचारु भएको थियो । यसैवीच व्यवस्थापिका संसद्मा आजपनि चालू आर्थिक वर्षको विभिन्न मन्त्रालय शीर्षकको विनियोजन विधेयक २०६८ माथिको समुहीकृत छलफल जारी छ । आज अर्थ गृह रक्षा लगायतका २० मन्त्रालय तथा राष्ट्रपतिको कार्यालय प्रधानमन्त्री तथा मन्त्रिपरिषद्को कार्यालय र राष्ट्रिय योजना आयोगको सचिवालय लगायतका कार्यालयको शीर्षकमाथिको समूहीकृत छलफल जारी रहेको छ । छलफलमा एकीकृत नेकपा माओवादीका सभासद् भीमप्रसाद गौतमले वजेटको अन्तर्वस्तु अनुसार कार्यान्वयनका लागि सरकारलाई सवैले सहयोग गर्नुपर्ने बताउनुभयो । नेकपा एमालेका सभासद् डाक्टर विजय पौडेलले महत्वपूर्ण मन्त्रालयको छलफलमा एकैदिन राखेर छलफललाई औपचारिकता मात्र दिएको टिप्पणी गर्नुभयो । पौडेलले भौतिक संरचनालाई मात्र ठूला आयोजनका रुपमा बुझ्ने परम्पराका कारण चालू वर्षको वजेटमा ठुला आयोजना यस पटकको वजेटमा पनि प्राथामिकतामा नपरेको बताउनुभयो । उहाँले महत्वपूर्ण आयोजनामा बजेट पर्याप्त विनियोजन हुन नसकेको बताउनु भयो । भन्सारको कामलाई पारदर्शी र प्रभावकारी बनाउनका लागि प्रविधिमा विशेष जोड दिनुपर्ने भएपनि बजेटले भन्सार पुनस्रंरचनाका लागि महत्व दिन नसकेको पौडेलको टिप्पणी थियो । मधेश केन्द्रित दलहरुका सभासद्हरुले भने वजेटले मधेशलाई प्राथामिकतामा नराखेको भन्दै परिमार्जनको माग गरेका थिए । दफावार छलफल जारी रहँदा सभासद्को उपस्थिति भने न्युन रहेको छ ।
Filed under: News
